Niggadeesi Adugu - Gayam (1993)

రచన : సిరివెన్నెల సీతారామ శాస్త్రి 
సంగీతం : శ్రీ 
సినిమా  : గాయం 
గాయకులు : S.P బాలు 


నిగ్గదీసి అడుగు ఈ సిగ్గులేని జనాన్ని
అగ్గితొటి కడుగు ఈ సమాజ జీవచ్చవాన్ని
మారదు లొకం మారదు కాలం
దేవుడు దిగిరాని ఎవ్వరు ఏమైపోనీ
మారదు లోకం మారదు కాలం

గాలి వాటు గమనానికి కాలి బాట దేనికి
గొర్రెదాటు మందకి నీ జ్ణానబొధ  దేనికి 
ఏ చరిత్ర నెర్చుకుంది పచ్చని పాఠం
ఏ క్షణాన  మార్చుకుంది చిచ్చుల మార్గం
రామభాణమార్పిందా రావణ కాష్టం
కృష్ణ గీత ఆపిందా నిత్య కురుక్షేత్రం                   || నిగ్గదీసి ||

పాత రాతి గుహలు పాల రాతి గృహాలైన
అడవి నీతి మారిందా ఎన్ని యుగాలైన
వేట అదే వేటు అదే నాటి కధే అంతా
నట్టడవులు నడివీధికి నడిచొస్తే వింతా
బలవంతులె బ్రతకాలనె సూక్తి మరువకుండ
శతాబ్ఢాలు చదవలేద ఈ అరణ్యకాండ                || నిగ్గదీసి ||